A IDADE CONTEMPORÁNEA

Idade Contemporánea

CONTEXTUALIZACIÓN:

A Idade Contemporánea comezou no ano 1789 (Revolución Francesa) e aínda segue na actualidade.

PRINCIPAIS CAMBIOS:

·                     Establécese que todos somos iguais ante a lei.

·                     Elimínanse os privilexios da nobleza e do clero.

·                     Elabórase a Declaración dos Dereitos do Home e o Cidadán.

·                     Acábase co absolutismo dos reis.

·                     Establécese a democracia.

·                     Ten lugar a Revolución Industrial ao usarse a máquina de vapor no traballo e nos transportes.

·                     Pásase da sociedade agraria e rural a unha sociedade máis urbana.

·                     Ten lugar a abolición da escravitude.

PRINCIPAIS ACONTECEMENTOS:

·                     Declaración de Independencia dos EE.UU: 1776.

·                     Revolución Francesa: 1789.

·                     Revolución Industrial: 2ª metade do s. XVIII.

·                     I Guerra Mundial: 1914 - 1918.

·                     Crise de 1929.

·                     Guerra Civil Española: 1936 - 1939.

·                     II Guerra Mundial: 1939 - 1945.

·                     A Guerra Fría: II metade do s. XX.

·                     Chegada do home á lúa: 1969.

·                     11 - M: 2004.

IDADE CONTEMPORÁNEA EN ESPAÑA:

Século XIX:

A industrialización retrasouse en España e a maioría continuou traballando na  agricultura. Moitos xoves tiveron que emigrar a América. Houbo continuos enfrentamentos entre os conservadores e os progresistas (que estaban a favor dos cambios vividos noutros lugares).

Dende o a no 1808 ata 1814 sucedeuse a Guerra da Independencia. As tropas de Napoleón ocuparon España coa excusa de invadir Portugal e nomeou rei de España a seu irmán José Bonaparte. Carlos IV e o seu fillo Fernando VII renunciaron ao trono. O 2 de maio de 1808 produciuse en Madrid un levantamento popular que se extendeu por toda España. Isto, unido ao apoio británico, concluiu coa derrota das tropas francesas en 1814 e o regreso de Fernando VII.

O 19 de marzo de 1812 aprobouse en Cádiz a 1ª Constitución Española, coñecida como La Pepa, na que se establecía a división de poderes e a fin do absolutismo. Fernando VII  aboliuna ao voltar, provocando numerosos enfrentamentos entre os absolutistas e os liberais.

Os absolutistas querían que a coroa fora para Carlos, irmán do rei, e por iso se coñecen estas guerras  como carlistas. Os liberais querían que fora para a filla de Fernanbdo VII, a princesa Isabel (que tiña tres anos) e por iso a estes se lles  coñece como isabelinos. Gañaron os liberais e Isabel II  mantívose no trono ata 1868.

En 1868, tras unha revolución, ocupou o trono Amadeo I. A nova Constitución de 1869 estableceu unha monarquía parlamentaria: había un rei, pero non gobernaba. En 1873 proclamouse a I República, que durou so un ano. En 1876 Alfonso XII, fillo de Isabel II, ocupou o trono.

Século XX

O século comeza co reinado de Alfonso XIII. En 1923, o Xeneral Primo de Rivera fíxose co poder establecendo unha dictadura ata 1930. En 1931 estableceuse a II República.

En 1936 comezou a Guerra Civil que concluiría en 1939 coa derrota da República. Comeza ese ano a dictadura de Franco, que duraría ata 1975.

Desde 1975 ata 1978 tivo lugar a Transición. Juan Carlos I foi nomeado rei de España e Adolfo Suárez ocupou a presidencia. En 1977  celebráronse as primeiras eleccións democráticas dende a II República e foi elixido  Adolfo Suárez.

O 6 de decembro de 1978 aprobouse por referéndum a Constitución Española actual.